விவேகானந்தரின் நறுக்

கடவுள் நாம் விரும்பியதை கொடுப்பவர் அல்ல, நமக்குத் தேவையானதை கொடுப்பவர்...

இது விளம்பரம் அல்ல....

March 25, 2010

அதிரடி சரவெடியாய் ஒரு படம்....

நேற்று எதார்த்தமாக ஸ்டார் மூவீஸ் பக்கம் சேனலை திருப்பினேன். Face/Off படம் ஓடிக்கொண்டிருந்தது நான் முதன் முதலில் கதை புரிந்து பார்த்து முதல் படம். ஆக்சன் அதிரடிகளுக்கு பஞ்சமில்லாத படம். மூவீஸ் சேனலில் ஏறக்குறைய நூறு தடவை ஒளிபரப்பப்பட்ட படம். இந்த படத்தை பற்றி அறிமுகம் தேவை இருக்காது. இருந்தாலும் இது என் மனதை கவர்ந்த படம் என்ற முறையிலேயே இந்த பதிவை வெளியிடுகிறேன்.


படத்தின் கரு ஒரு பழைய எம்ஜியார் படம் ஆசை முகம் என்று நினைக்கிறேன் அதன் கருதான்.காஸ்டர் என்னும் ஒரு தீவிரவாதி ஆர்ச்சர் என்னும் ஒரு எப்பிஐ அதிகாரியை கொல்ல முயற்சி செய்யும் போது ஆர்ச்சரின் மகனை கொன்று விடுகிறான். இதனால் எப்பொழுதும் இறுகிய மன நிலையுடன் காணப்படுகிறான் ஆர்ச்சர். ஒரு கட்டத்தில் காஸ்டரை பிடிக்கும் முயற்சியில் ஏற்படும் சண்டையில் அவனுடைய தம்பி பிடி படுகிறான். காஸ்டர் கோமா நிலைக்கு சென்று விடுகிறான். பிறகுதான் நகரில் அவர்கள் எங்கோ வெடி குண்டு வைத்திருப்பது தெரிய வருகிறது. எனவே சிறையில் இருக்கும் காஸ்டரின் தம்பியிடம் இருந்து உண்மையை பெறுவதற்கு விபரீத முயற்சியாக ஆர்ச்சரின் முகத்தை அறுவை சிகிச்சை மூலம் கழற்றி பாதுகாப்பாக வைத்து விட்டு, அதற்க்கு பதிலாக காஸ்டரின் முகத்தை பொருத்தி காஸ்டராக மாறி சிறைக்குள் செல்கிறான் ஆர்ச்சர். இதற்கிடையே எதிர்பாராத விதமாக கோமாவில் இருந்து விழிக்கும் காஸ்டர் ஆர்ச்சரின் முகத்தை அறுவை சிகிச்சை மூலம் பொருத்தி கொள்கிறான். பின் இதற்க்கு சாட்சியாக இருக்கும் அனைவரையும் எரித்து கொன்று விடுகிறான்.

பிறகு தான் வைத்த வெடி குண்டை ஆர்ச்சர் கண்டுபிடிப்பது போல தானே கண்டுபிடித்து செயலிழக்க செய்து அனைவரின் பாராட்டையும் பெறுகிறான். பின் சிறையில் இருக்கும் நிஜ ஆர்ச்சர் முன் தோன்றுகிறான். இப்போது ஆர்ச்சர் காஸ்டராக, காஸ்டர் ஆர்ச்சராக. நிலைமை விபரீதமானது புரிகிறது. சிறையில் இருந்து தப்புகிறான் ஆர்ச்சர். பின் எவ்வாறு தன்னை ஆர்ச்சர் என்று நிரூபித்தான், காஸ்டர் பிடிபட்டானா என்பதை அதிரடி சரவெடியாக சொல்லி இருக்கிறார்கள்.

படத்தில் ஆர்ச்சர், காஸ்டர் என்ற இரு வேடத்திலும் நடித்திருப்பவர்கள் நிகோலஸ் கேஜ் மற்றும் ஜான் ட்ரோவால்டா பட தொடக்கத்தில் நிகோலஸ் காஸ்டராகவும் ட்ரோவால்டா ஆர்ச்சராகவும் வருவார்கள் பின் இருவர் முகமும் மாற்றிய பின் அவர்கள் பாத்திரமும் மாறிவிடும். காஸ்டரின் செயல்களில் ஒரு விளையாட்டுத்தனமான கொடூரம் தெரியும். ஆர்ச்சரோ மகனை இழந்த சோகத்தில் இருப்பவன். தொடக்கத்தில் நிகோலஸ் ஜாலியாக வருவார். ட்ரோவால்டா உம்மென்று வருவார். இருவரின் முகம் மாறியதும் நிகோலஸ் உம்மென்று ஆகி விடுவார். ட்ரோவால்டா ஜாலியாக ஆகி விடுவார். இருவரும் ஒருவருக்கு ஒருவர் சளைக்காமல் நடித்திருப்பார்கள். அதிலும் தன் மகனை கொன்ற காஸ்டரின் முகத்தை தன் முகத்தின் மீது ஒட்டி உள்ளார்கள் என்று ஆர்ச்சர் காட்டும் அருவருப்பான முக பாவனைகள் நிகோலசுக்கு கைத்தட்டல் வாங்கி தரும்.

ஜான் வூ படத்தில் ஆக்சன் காட்சிகளுக்கு குறைவிருக்காது. அதே போல சென்டிமென்ட் காட்சிக்கும் பஞ்சம் இருக்காது. குறிப்பாக ஆர்ச்சருக்கும் காஸ்டரின் குழந்தைக்கும் நடக்கும் உரையாடல், காஸ்டரின் காதலி இறக்கும்போது அவனை தீவிரவாதியாக வளர்க்க வேண்டாம் என்று சொன்னபடி இறக்கும் காட்சி, ஆர்ச்சரின் மகள் தன் தந்தை யார் என்று தெரியாமல் காஸ்டர் முகத்தில் இருக்கும் தன் தந்தையையே சுடும் காட்சி என்று பல சென்டிமென்ட் காட்சிகள் படத்தில் உண்டு. ஆர்ச்சரின் மகளிடம் பழகும் காஸ்டர் (ஆர்ச்சர் முகத்துடன்) அவளுக்கு தற்காப்புக்காக ஒரு கத்தியை அளிக்க கடைசியில் அந்த கத்தியை கொண்டு அவனையே குத்தும் காட்சி சுவாரசியமானது.

படத்தில் குறிப்பிடத்தக்க இரண்டு நபர்கள் ஒளிப்பதிவாளர் மற்றும் சண்டை பயிற்சியாளர்கள். இந்த மாதிரி ஆக்சன் படங்களுக்கு ஒளிப்பதிவு மிகமுக்கியம். அதிலும் கிளைமாக்ஸ் படகு சேசிங் காட்சியில் ஒளிப்பதிவு அபாரம். அதே போல படத்தில் சண்டை காட்சிகள் மிக அபாரம். ஆபத்தான காட்சிகள் ஏராளம். சண்டை காட்சிகளை உற்று நோக்கினால் எவ்வளவு கஷ்டபட்டிருக்கிறார்கள் என்று தெரியும்

படத்தில் சில குறிப்பிடத்தக்க விஷயங்கள்...

படத்தின் இயக்குனர் ஜான்வூ. இவருக்கு ஹாலிவுட்டில் ஒரு நிரந்தர இடம் வாங்கி கொடுத்த படம் இது. இவர் இயக்கிய பிற படங்கள், ஹார்ட் டார்கெட், மிசன் இம்பாசிபிள், ப்ரோக்கன் ஆரோ..

இப்படத்தின் ஒளிப்பதிவாளர் ஆலிவர்வுட்.

படம் வெளி வந்த ஆண்டு 1997. விமர்சனம் சர்ச்சைகளுக்கு இடமின்றி வசூலை வாரி குவித்த படம். இதனை விமர்சிக்கும் போது "இப்படத்தில் ட்ரோவால்டா நிகோலஸ் முகமூடியையும், நிகோலஸ் ட்ரோவால்டா முகமூடியையும் அணிந்திருக்கிறார்கள் என்றுதான் தோன்றுமே தவிர அவர்கள் நடிக்கிறார்கள் என்றே தோன்றவே தோன்றாது" என்று பாராட்டுகிறார்கள்.

எத்தனை தடவை பார்த்தாலும் சலிக்காத படங்களில் இதுவும் ஒன்று

பிடிச்சிருந்தா ஒட்டு போடுங்க...
உங்க கருத்துக்களை பதிவு பண்ணுங்க...

2 comments:

துபாய் ராஜா said...

மிகவும் பிடித்த பலமுறை பார்த்த படம்.தமிழில் இதை கமலும், பிரகாஷ்ராஜூம் செய்தால் நன்றாக இருக்கும் என்பது எனது கருத்து. ஆனால் நிறம்தான் ஓத்துவராது.

Yoganathan.N said...

இந்த படத்தைப் பார்த்ததில்லை. எனக்கு ஜான்வூவின் 'Paycheck' மற்றும் 'Red Cliff' மிகவும் பிடிக்கும். Red Cliff-இல் அப்படி ஒரு பிரமாண்டம் இருக்கும்... முடிந்தால் பாருங்கள். :)

வழக்கம் போல நல்ல விமர்சனம். :)

Related Posts Plugin for WordPress, Blogger...